Cé a ritheann an domhan?

bey

An bhanríon féin, mar a deirfeá. 

Ní éistíonn gach éinne lena cuid ceoil. B’fhéidir nach bhfuil a fhios ag gach aon duine cé hí. Ach nuair a chuireann Beyoncé albam amach, bíonn na mílte daoine ag caint faoi.

Díoladh 485,000 cóip den albam nua Lemonade in aon seachtain amháin sna Stáit Aontaithe, gan trácht ar an airgead a thuill sí ó dhíolacháin i dtíortha eile agus ón seinnteoirí idirlín Tidal. Anuas air sin, tá an méid sin cumhachta aici cheana féin gur féidir léi a chinntiú nach mbeadh daoine in ann éisteacht leis an albam gan clárú le Tidal nó gan é a cheannach ar iTunes.

Is é Lemonade an séú albam a chuir Beyoncé le chéile, agus tá cuma ar an scéal go bhfuil na hamhráin bunaithe ar a saol pearsanta féin (is é sin le rá go bhfuil na liricí ag caint faoi fear a thréag a bhean chéile agus faoi argóint leanúnach idir an bheirt). Nuair a cuireadh Lemonade amach bhí fonn ar dhaoine míniú a thabhairt do gach aon amhrán agus do gach aon leid a bhí iontu mar gheall ar chaidrimh phearsanta an amhránaithe.

Chuir an t-albam leis an ráfla a bhí ag dul timpeall go mbeadh Beyoncé agus a fear chéile, Jay Z, chun scaradh óna chéile agus go raibh cailín cara eile aige. Bhí a lucht éisteachta agus na meáin araon ag iarradh a fháil amach cé hí “Becky with the good hair”, duine a luaitear san amhrán ‘Sorry’. Is cosúil nach bhfuil aon bhaint ag aon Becky leis an scéal atá á insint aici; an úsáideann sí ainm ginearálta chun tagairt a dhéanamh do gach aon duine a dhéanann adhaltranas? Nach mór an tseift é scéal domhanda a dhéanamh as scéal pearsanta, agus ansin na mílte albam a dhíol.

Albam físeáin nó albam scannáin atá in Lemonade. Ní hé go mbaineann físeán ar leith le gach aon amhráin: is scannán iomlán atá ann, agus craoladh ar an gcainéal HBO é nuair a cuireadh an t-albam amach den chéad uair. Is é sin an difríocht is mó idir a halbam deireanach, Beyoncé, agus Lemonade; tá scéal iomlán le hinsint aici anois.

mike brown

Mike Brown, a maraíodh i mí Lúnasa 2014. 

Tá daoine gorma na Stát Aontaithe tar éis an iomarca ama a chaitheamh faoi scáth na ndaoine geala. Le déanaí, tá go leor daoine tar éis a mbáis a fháil go foréigneach sna Stáit Aontaithe de dheascaibh dhath a gcraicinn. In Lemonade, feictear máithreacha Trayvon Martin agus Mike Brown (thuas), agus déantar cur síos láidir, ealaíonta ar an streachailt a bhaineann le ciníochas na linne seo. Ní saothar é Lemonade atá dírithe ar dhaoine geala, agus ní drochscéal é sin.

Déantar gearáin fúithi, cinnte. Deirtear go bhfuil sí róghnéasach, go bhfuil drochthionchar aici ar mhná óga, agus gur drochamhráin atá á gcanadh aici.

Ach is ise a roghnaigh an sort scéil a bheadh á insint nuair a tháinig Lemonade amach. Ní trí thimpiste a scríobhadh na hamhráin (tá níos mó ná deichniúr scríbhneoir luaite le roinnt díobh) agus ní trí thimpiste a cuireadh an chúlchaint i mbéal an phobail. Sa lá atá inniu ann, bíonn na meáin ag caint faoi mhná mar uirlisí gnéis agus mar ábhair chonspóide. Tá Beyoncé tar éis smacht éigin a chur ar chumhacht na meán agus is léi féin atá a scéalsa anois. Anuas air sin, déir sí go han-soiléir go bhfuil sí ar comhchéim leis an bhfear sa scéal:

You might just be a black Bill Gates in the making /

I might just be a black Bill Gates in the making

beyonce-lemonade-47

Is féidir le Beyoncé daoine a spreagadh chun a bheith muiníneach astu féin. Is féidir léi obair a dhéanamh le carthannachtaí gan aon cheannteidil a lorg (cé go scríobhtar iad ar aon nós). Is féidir léi na mílte albam a dhíol thar oíche. Is féidir léi insint an scéil a chur ar ais i lámha agus i mbéil na mban agus na ndaoine gorma.

 

Ní féidir linne ach fanacht go bhfeiceann muid an chéad chleas eile.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s